عمّ الحزن

خطبٍ دهانا زلزل القلب والروح
عّم الحزن أرجاء كل البلادين
مات الزعيم اللي له العالم ينوح
عبدالله اللي ساكن القلب والعين
رجل السياسة كاسب العز بوضوح
خيره شمل كل الضعوف المساكين
أراملٍ تبكيه والدمع مسفوح
وايتام واطفالٍ وكل المعاقين
في عهده الزاهر بنى مجد وصروح
وكل الدول أصبح لها درع ومعين
رجل السلام وفزعته بلسم جروح
تشهد على ماقول كل الميادين
حاكم حكيمْ يحيّر القول والبوح
انجاز قرنٍ حِقق بعدة سنين
المملكة صارت كما الدره تلوح
من فضل حكامٍ على الشرع ماشين
يالله يالمعبود ياخالق اللوح
تغفر لبو متعب عميد السلاطين
له النعيم بجنة الخلد مفتوح
مع الصحابة والرسل والنبيين