خبر وفاته هزت شعوب وأوطان

يالله عسى في جنة الخلد سلطان
اللي ملك كل القلوب وفطمها
بصدق الشعور اللي يورثها الاحسان
للشعب ولا للوطن ماكتمها
خبر وفاته هزت شعوب واوطان
واهتز له كل الرياض وكظمها
الارض تبكي والوطن كله احزان
والدار لولا الدين نكس علمها
هذا ولد صقر الجزيرة كحيلان
لاكبرت القالات قام ولطمها
فقيد الأمة والمواطن والاخوان
اللي فراقه كل عين وسمها
ابو اليتامى والارامل وشيبان
وابو الضعوف اللي زمانه لجمها
غيث على المحتاج ديم وهتان
يروي ظما نفس تزايد سقمها
قلبه يلين بحال وبحال صوان
كبد يعالجها وكبد صدمها
قصة رحيله مالها رد واثمان
الله وهبه الروح والله حسمها
ندعي له المعبود رحمه وغفران
ونرفع له ايدين الرجا ونخدمها
يالله عساه بجنة الخلد سكان
في جاه فارق ليلها عن عسمها
دعوة محب هايم بحب سلطان
هلل وكبر والقصيدة ختمها
حامد بن طرقي الذرعي الشمري