تعبت أحبك

أعيش بحروفي وبيتي بالاوراق
اكتب عذاب القلب وانزف شعوري
أجر صوت الحزن مابين الاعماق
وانثر دموع العين باقسى سطوري
ليه الزمن يحكم علينا بلفراق
وليه الحياه اليوم ماهي بشوري
الوقت يركض والعمر ضاع بسباق
واللي بقى ميدان يلغي حضوري
صبرت لين الصبر ماعاد ينطاق
دفنت في نفسي وبانت قبوري!
واللي أخذ فيني العزا دمع الاحداق
أحرق بقايا الروح وانهى سروري
ليت الليالي عانقت نور الاشراق
وعاد الأمل فيني وغنت طيوري
وليت القدر يسمح دقيقه وينساق
يكتب هنا عمري ويجبر كسوري
ويلم شمل الحب ونعيش عشاق
واللي بقى لا جيت ماهو ضروري
يكفي أشوفك ينتهي الحزن بعناق
وانسى معاك الكون تملى غروري
الحب كله انخلق لك ولا لاق
إلا لعينك واعتذرعن قصوري
تعبت احبك واجمع ابقلبي اشواق
ياليت تاخذها وترحم شعوري