نفس المكان

ياعيد خذك الغياب وصاحبي من زمان
روّح و اخذ فرحتك ياعيد في غربته
بعده فقدت الامان و عفت بر الامان
وَلَا سلمت اكبر طعونه و أثر حربته
اشتاق له كل مامريت نفس المكان
لو كان نفسي لها حولين محتربته
اجيه وانا همومي سحرها والبيان
و اروح كني ذريت همومي بتربته
مدري لياجاه حَسّ بمافقلبي عشان
يعطيه شيٍ من الذكرى ومن طربته
من عنفوانه اعيش ايامي بعنفوان
ل اكبر جروحه بصدرٍ توجعه ضربته
ياعيد الاضحى بنفس شعور عيد رمضان
اشيل كل الكروب وعاجز بكربته
عزيز عشت الزمان وشفت شين الزمان
ليت الحيّل تنفع ليامن بدت سُربته
المضميات الضمان الراضيات الهوان
ظروف الايام مطغيها الهوى و اربته
على المنازل يفوح العشق له قحويان
من عمري اللي كلته ايامه وشربته
ياعيد خذك المسافر و انت عابر و فان
ياعيد جيبه معك لو طوّلت غربته