الليالي عظيمة

الليالي عظيمه ماتعرّي زمان
والنهاربنعيمه ماستر مظهري
انثر الدمع الابيض في زوايا المكان
ماحدٍ شاف وجهي ماحدٍ به دري
والصباح ان تهادى في كفوف الامان
وامتطيت الشروق وجيتك اجري جري
كل جرحٍ حظنته ليلة الهم بان
في صغيرٍتعلَّق في طرف محجري
لو لقوه بْعيوني قبل ساعات كان
صرت بين الحلوق البايع المشتري
جلّ من حط ستره في ثناياالبنان
لاغدى كلّ شيٍ في الرجل يفتري
يالضيا عفت نورك عفت فيك الهوان
ليه باقي مطوّل وش بقى حتري
حفظ الاسرارذمّه من نقضها وخان
كيف ابكشف لعينه ماكتم دفتري؟!
ردّني في مكاني واستعيد الثوان
مذنبٍ خش ذنبه خير من هالبري
لوفظحني ظهورك كن ماشي كان
شي واحد دفنته مامعه تجتري...
شاعرٍ له قصيده ماكتبها الزمان
كنّها في ضلوعه خوف لاينقري
احمد بن سارح