ظروف الوقت

مافيه داعي للشقى شدة الحيل
تجيك لوعات الزمن في مكانك
يالله عوضنا بذيك المداهيل
واجعل سكنا جنتن من جنانك
حتى لوانك في خيالك مواصيل
تخلف ظروف الوقت كل اتزانك
ياشينها لاحاوطتك الغرابيل
فرقي وليفك وانتكاسة زمانك
وصارت حياتك كلها حط مع شيل
ولاع الزمن شخصك وحطم كيانك
لاصد من تهواه ليل ورى ليل
والله لتبطي في شقاك وهوانك
لامن خبر يحمل ولامن مراسيل
تجمعن حظ الشقى مع حنانك
مدري تكبر أو سمع للأقاويل
وإلا سواة الحظ قفى وخانك
لوجيت أشبه حالتك بدة الجيل
مسجون باطل والمحقق أدانك
والله يعلم وش بقى بالمقابيل
مادام حظك صار ضدك وهانك
والحظ كد لوع زحول الرياجيل
لاتلتفتله لوسعى في طمانك
خله على اللي يجبر الضلع والميل
مافيه غيره حزة الضيق عانك
حتى ولو دنياك صارت بهاذيل
دنيا الفنا بتزول الله وأمانك