حبيب الشعب

يا حبيب الشعب لك منا الولا
يابو متعب يحفظك رب العباد
ياكثر مالك بداخلنا غلا
وكل ما زاد العمر غلاك زاد
ضحكتك صدقك وقولك ياهلا
للجميع بلا تحيز أو حياد
ميزك ربي على كل الملا
بالدها والحنكه وحسن الهداد
رايكم في كل موقف أعتلا
تسأل الله كل توفيق وسداد
كل متضايق ليا جالك سلا
كل حر يصير بك ظل وبراد
فزعتك يا بو متعب وإلا فلا
كل منهو قالها نال المراد
كنك الغيث ان تهاما وامتلا
كل وادي وازهرت كل البلاد
دايم أبشر في لسانك كن لا
مالها عندك بذار ولا حصاد