النَّفْس العَصيَّة

والله أني جايزٍ عن ما يشوع
لكن النفس العصيّه ما تطيع
كل ما غَضيت طرفي عن تلوع
قالت النفس إلتفت وإصحى تضيع
قلت لو ضِعنا هنا سَبت ورُبوع
نسأل ونلقى الدليل ونستطيع
لكن الموت الضياع اللي يروع
يوم ماله لا دليل ولا شفيع
يوم كلٍ يتّجه لله طوع
في صعيدٍ واحدٍ نِحشَر جميع
ذاهلين وكلنا خوف وخشوع
للعظيم الخالق الفرد البديع
ماحدٍ لاحدٍ شفيع ولا فِزوع
والمراضع ما تَلَفّت للرضيع
والولد لاهي عن الوالد خنوع
والأبو ماهو عن عياله منيع