من تناجي ؟!

==1==ربعٍ لقينا عندهم هبّة الريح ==0==
==0==الدلّه الصفرا وحلو المزاجي
وعلومهم ضحكة حجاج وتمازيح ==0==
==0==وسوالفٍ عن " ذيب " والاّ " العواجي"
ولاّ عن " ابن حميد " ولاّ " شليويح "==0==
==0==اللي يصيب الخيل منهم ازعاجي
والءهم على سوق " الهرافا " مراويح==0==
==0==لا جاك جالبها مربّي النعاجي
يوم ان بعض الناس رزقه تشافيح==0==
==0==معَ الكرم والطيب ماله خراجي
أما على الدنيا عيونه مشاطيح ==0==
==0==والى ادبرت جا له وراها عجاجي
ولاّ شفيٍّ عند دنياه وشحيح==0==
==0==من حبها يشرب عليها الهماجي
ما انفق معَ اللي شرّح الخيل تشريح==0==
==0==دايم على بيته لضيفه مداجي
يوم الزمان مقلّ والورد شحيح==0==
==0==بيته لضيفانه ملاذ وملاجي
تجزاه بالجنه شجرها مداويح==0==
==0==يجني ثمرها من قطوفٍ نضاجي
اليوم كثءر الخير واقفو مدابيح==0==
==0==وكلٍ عن الثاني يغض الحجاجي
عند الحلال وفالمراجل مصاليح==0==
==0==وامّا الرفيق ورفقته .. من تناجي ؟!
يا الله يا منشي السحاب المراويح==0==
==0==اللي على نجد وشفاه استراجي
تسقي وطن راع العيوم المماليح==0==
==0==اللي عليه الهم فالقلب لاجي
تقطّعت دونه حبال المشابيح==0==
==0==الاّ من اللي ما يخيب الءه راجي==2==
@@ سعود حباب العصيمي