تأخذني الذكرى على الوقت الأول

تاخذني الذكرى على الوقت الاوّل
تلعب بفكري مثل لعب المسابيح
مرّه تسنّدني ومرّه تحوّل
اليا ذكرت اللي عيونه مذابيح
ياليت هاك الوقت باقي مطوّل
مقفت به ايام وليالٍ مدابيح
لاجل المولع يوم قلبه تهوّل
في حسن سيْد البيض سيْد المماليح
يدخل نظام الحب وحده مخوّل
محدن يردّه معْه كل المفاتيح
في كل قرصٍ من نظامه تجوّل
يطبع غلاه ويزرع اسمه مصابيح
بمجلداته ما خذاها تسول
تطلب رضاه وكلها له مشاريح
بعروق قلبي حبه اللي مفوّل
والاول مفوّل سحابه مراويح
مقرن بن متعب الهرف