تضاريس الطبايع

ياصاحبي لا عاد تنشد عن سبب بغض القلوب==0==
==0== الناس في هذا الزمن كلٍ مضيّع طاسته
كلٍ يدوّر مصلحة نفسه ولو كان مغلوب==0==
==0== يبي السعادة مادرى إنه يشتري تعاسته
المال غيّر ثوب ناس وراح لبّس ناس ثوب==0==
==0== غيّر تضاريس الطبايع من سبب سياسته
بالوقت هذا ما يعيش إلاّ المنافق والكذوب==0==
==0== وراعي البلاسه تدفعه يم الردى طفاسته
كل المصايب من سبب كثر الخطايا والذنوب==0==
==0== والنجس في قلبه تبيّن للبشر نجاسته
صارت مفاهيم الخيانه شي عادي ومحَسوب==0==
==0== والشك وارد والحريص تضيّعه حراسته
كل السلوم اللي تعلمنا تقفتها الهبوب==0==
==0== ماضي جميل وجت سلوم بهالزمان وحاسته
الله وأكبر يازمانٍ فات في عهد الشعوب==0==
==0== كان الولد يتعب شبابه في سبيل فراسته
كانت شقا كانت جهل كانت صراعات وحروب==0==
==0== لكن بعد كانت نوايا الرجل أساس دراسته
كان الكرم والطيب وركاب المراجل ما تتوب==0==
==0== تحفي قدمها والطريق اللي تعشقه داسته
واليوم نمشي في دروبٍ غير عن كل الدروب==0==
==0== كلٍ يدوّر في حياته عن سبب وناسته
هذا زمانٍ كل زينه شين وعيوبه عيوب==0==
==0== الطفل مايقدر يحل الواجب بكراسته
وشلون تنشد عاد عن سود النوايا والقلوب==0==
==0== برقٍ تخيله جو يشيلون الضحا عساسته