الغيوم اللي بها الرزق طيرها الهبوب تبتعد والنفس فيها تشوف احلامها نحسن النيات ونقول لا كبرت تذوب مير عباد المشاكل ترز اعلامها ليتنا ندري عن اللي تخفيه القلوب كان نعرف غاية البعض قبل اسلامها ما تضيق الارض لو ضيقوا كل الدروب شاعر و الذاكره ما فقت الهامها القصيده واقع الحال ما فيها عيوب مهرةٍ يصعب ثمنها على من سامها فوضويه في المبادئ و بالفكره لعوب ما تبالي لو كبير المشايخ لامها من هو اللي سالمن من كثيرات الذنوب ما لقيته لو تطوف اليمن مع شامها ما نعيش بذل ما نرتجي خير الجيوب في غنا عنها ولو زان لي هندامها لو تزين بالملابس ومنطقها عذوب عايفٍ مفراعها قبل اشيل الثامها الطموح اكبر من الواقع المر الكذوب والنوايا عالم الغيب هو علامها مخبل اللي روب الماء يحسب انه يروب ومخبل اللي مهرته ما مسك بالجامها اليدين اللي على العيب تضرا ماتتوب ما تخلي عيبها لو كسرت عظامها الردى دايم على لحية الرجل محسوب وشرهة اللحية على وقتها اللي ضامها والبخيت اللي من الناس سالم ومحبوب لين يترك دنيةٍ كاثراً ظلامها
