غيمتي

==1==
وش تبون من السحاب الأجودي يا لأوديه==0==
==0==غير ماها والظلال اللي تجيبه وش تبون
الطمع ما جاب غير المهزلة والتردية==0==
==0==والعيون اللي تناظر للسما ماهي عيون
والجهل ما هز غير الرجل ميّه في الميه==0==
==0==والرجل لو كان جاهل وش تبي بالله يكون
والعطش لو كان يرويني شربته ترضيه==0==
==0==للسحاب اللي يطيش بدون هتان المزون
غيمتي.. وش كدر الخفاق غير الطاغيه==0==
==0==رفرفت فوقه شياطين الخلايق بالجنون
غيمتي.. بعطيك مني أحجيه في أحجيه==0==
==0==سلي الخافق تراني ما عرفت من الحنون
غيمتي.. بعض السوالف شعرةٍ لمعاوية==0==
==0==اقطعيها لعنبو الدمعة بقضبان السجون
غيمتي.. بعض الحقايق تنوخذ بالتسليه==0==
==0==ولو يمون السيل ما قلنا لمن مثلك تمون
غيمتي.. ذي حكمة الرحمن يوم الأضحيه==0==
==0==تذبح ارقاب الخلايق والخلايق يفرحون
غيمتي..ما عاد فينا من قلوبٍ صافيه==0==
==0==يا اطهر من النهر ياللي من طهورك يرتجون
غيمتي.. العاصي عصى الأنهار ذيك الجارية==0==
==0==رغم معكوس اتجاهه نهر غصب اعن العيون
غيمتي..لا تهطلين من الرياح العاتية==0==
==0==العرب ماعاد فيهم ربع مثلي يستحون
غيمتي.. يا مهجة الصحرا ونبض النابيه==0==
==0==والفضا ما فيه غير الشهب واللي يرجمون
لا يهمونك هذول اعجاز نخلٍ خاويه==0==
==0==امطريهم نظفي خلي بعضهم يعشقون
نوري بالبرق ثم الرعد صرخه مدوّيه==0==
==0==علميهم كيف قلتي يا أكون أو لا أكون
يا رقيقة ياللي الخالق خلقك مندّيه==0==
==0==بالبرد بالله لا اغيمتي وصلك يهون
واصلينا بالعطا نبعي ترى ماله ديه==0==
==0==لو يموت النبع مالي والعرب لو يدمعون
لو تموت الشمس ما شفنا القلوب مصدية==0==
==0==مير موت الشمس عندي هو نهاية كل كون
ولو يموت العبد ما حنت عليه الجاريه==0==
==0==ولو تموت الجارية حنو رجالٍ يرتجون
والصدف والدر في بعض الرتب متنافيه==0==
==0==مير من نفس البحر ماخوذةٍ ما يفصلون
==2==