المناديل القديمة

الله اللي يبلي الظالم على قدر الظليمه=والله اللي يعلم الأسرار ودروب الحقايق
من يدور للشكاله في دروب(ن) مستقيمه=تمهله سود الليالي ثم تدهله المضايق
بعض خلق الله تحسب.. إن ( الغلا ) يعني هزيمه=والمناديل القديمه .. تفضح أسرار الطوايق
الصراحه زاد حكمه والوفاء زاد الحكيمه=والكذب وايا الخيانه تقدح ازناد الحرايق
من يدور للخطيه قد سقى غرس الخصيمه= ومن تبع شيطان روحه ضاع في كثر الطرايق
لو ظلام الليل يشهد كانت الوقعه عظيمه=كان يا بعض الخلايق تعرفوا خافي خلايق
لارحمك الله يانفس(ن) من الرحمه عديمه=عقب ما خنتي ملازيمي وخالفتي الوثايق
نامت الدنيا وانا عيني من الفعله حريمه=ضايق(ن) بالكون وأثر الكون من ضيقي تضايق
دامها صحبة مصالح دون صدق ودون قيمه=ماتدوم ولو بغينا نكتسح كل العوايق
كم تهاونتي بفرضي والبلا فرضك نقيمه=بعتي الفرحة بدمعه عقب كان الوقت رايق
وش بقالك من زمانك وش بقالك يالغشيمه=ذوقي الحقران لحظة مثل ماني منك ذايق
التعامل فنّ راقي بين عرف وبين شيمه=ومن جهل معنى التعامل (( سجلو له.. غير لايق ))