سحر العيون

ذكرتك والجروح اللي، من أسبابك بكت ذكراك
..........وبقى نفس السؤال المر، عساك انتي ذكرتيني؟
ذكرت الموعد اللي فات، من عمري على طرياك
..........وذكرت أني نسيت أنساك، يوم أنك نسيتيني
يراودني الغرام اللي، رفض كل الدروب وجاك
..........وتكامل بالحضور العذب، طيفك لو هجرتيني
الا يا غايبه عذرك،خطاي وغلطتي أهواك
..........خطاك أكبر من أعذارك، وعذرك وأن جرحتيني
دخيل الله، عليك الله، وبعد الله، دخيل أشفاك
..........دخيل الشفه العليا، من السفلى،عثت فيني
دخيلك يا لعيون السود،سحرك صابني وأرضاك
..........جمع سحر اليمن واعمان،يسري في شراييني
غزاني رمشاك الفتان، وكنه حارسن يرعاك
..........تثنا وأشهر أسيوفه،يحذر لا تدانيني
ولكن الغريب أني، هويتك والعمر يفداك
..........وغدا حبك على قلبي،خطر للموت يدنيني
غديتي هاجس أيامي،وحلمي شوفتك وأرضاك
..........رهنت القلب لعيونك،غرامن راسخن فيني
أنا أشهد انتي أم الشمس،ووراحدب الضلوع أدراك
..........ولك صورة على قلبي،وتشرب من شراييني
تبين الصدق يا حلوة،ترى والله لو ألقاك
..........لسوق النفس لعيونك،ويرخص لك نظر عيني