عساك مثلي

من يوم ما تفارقنا
رحت وضحكتي عندك..
عساك مثلي ..
نسيتي ضحكتك عندي..
عساك مثلي..
من يوم ما تفارقنا ...
تغبيتي وسط صدرك..
تلحفتي بهدب عينك..
صكيتي الستايرزين..
وحبستي أدفى أنفاسك..
لا تاخذه آه .. ولا تودي..
طمنيني..
عساك مثلي..
كل ما جابوا لي طرباك..
يصحى عرس في صدري..
وندا سامر..
وغيمة لونها وردي
وكل ما اسمع اغنيتك..
أغيب بعيد..
واعد أيام عشناها..
يوم .. بيوم..
وتمول قصايد من دفا وجدي
عسى باقي
من ذاك العمر وياك..
لو لحظة ..
عندك ترفض تعدي ..
عساك مثلي..
كل ما قلت راح أنساك..
كل وردة وله فيني ..
تعطر فيك وتندي
طمنيني
عسى كل العمر ماضي..
عسى كل الفرح ودع ..
عسى كل السما شبرين..
وعسى كل الشعر عندك..
ما يظلل اصابع لهفتك
بعدي..
عساك مثلي
كل ما أسأل عن عيونك
وليلي عن ضوا صوتك
او خوفي عن ايدينك.....
ابكي من حزن ردي