الغلا مثل الولا

الاهداء لصاحب السمو الملكي الأمير / تركي بن محمد بن فهدحفظه الله
الولا يا سيدي شي يسكن فالقلوب
........والغلا يا سيدي شي يشبه للولا
كلمتين درتها البارحه من كل صوب
........الغلا مثل الولا 00 والولا مثل الغلا
أنت لو منتب أميرٍ تشرّف ومحَبوب
........كان ما ذكرك تناقل على شفاه الملا
أنت لو ما لك على المرجله عدة دروب
........كان ما جوك المشاكيل زبنا ودخلا
أنت شمسٍ مشرقه مجد ما فيها غروب
........كم ظلامٍ عقبها من حياتي أنجلا
أنت راسي من فعايل أياديك معَصوب
........معتلي لكن معَ خوّتك زود اعتلا
أنت في كل الدروب الطويلات محَسوب
........من فكاك رقاب الى حد كلمة يا هلا
أنت كن اسمك عن المرجله دايم ينوب
........كنها بنتٍ تحبك وحاديها بلا
أنت من سلايل ملوك وآنا من شعوب
........يعني أما أمير مثلك لنا ولاّ فلا
القصيده فيك تلبس من الابداع ثوب
........ترفةٍ قامت تغنّج تدلال وحلا
قلتها ماني على الشعر يامير مغَصوب
........بس طيبك يجبر الشاعر يغني ولا
في وجيه الأخويا لو ظهر ما فالقلوب
........كان شفت ان الولا يحضن عروق الغلا