ودّعتنا وحنّا بعد ما ارتوينا

لو من هنا لما نهاية حكينا
ما تنوصف أحزاننا من فقدناك
لكن يهونها يا تركي علينا
أنك سجدت لخالقك ثم توفاك
آخر محطة فى حياتك ومينا
كانت صلاتك للفجر يوم ناداك
ودعتنا وحنا بعد ما ارتوينا
منك ولا يمكن مع الوقت ننساك
ما بين كل لحظة ولحظة تجينا
صورتك وْنتعطر بسيرتك وذكراك
يا منتهى الأخلاق والطيب فينا
وجه الرياض أعمى وباهت بفرقاك
غير البياض بصفحتك ما لقينا
يا اللي التواضع ماعرفناه لولاك
لله.. نتضرع ونرفع يدينا
يوم الحشر تاخذ كتابك بيمناك
ويشفع لك الهادي محمد نبينا
وْبجنته رب السموات يجزاك
إحنا اللي موتى فيك مهما حيّينا
لأنا دفنا قلوبنا من دفناك
الحزن على الرحيل