تويتر شعبي

محمد عيّاف
زرعت فيك الثقة إلين خليتك
تهدّ طيرك لو انّه منكسر طيرك
بتغيب؟ ماني ب قايل لك تباطيتك
سويتك إنسان، ب آسوّي أحد غيرك
محمد عيّاف
m7mdayyaf@
***

بركات الشمري
وحيد، شارد خيال، ومنزوي سارح
أدوّر اللي يفكّر بي، ولا ألقى
إلا سؤالٍ ذبحني «ليلة البارح»
لا راح منّي أعزّ الناس وش يبقى
بركات الشمري
brkm9@
***

ظافر الشهري
يا قهوجي ما تهيّا لظافر مراده
جب كاس تلقيمه وسمّ الظما شفاهي
سكّر زيادة ولو ما جبته زياده
ابشرب المرّ يعني جات ع الشاهي؟
ظافر الشهري
dafer_al_shehri@
***

سامي الشمري
أيام عمري حزن والهمّ يركض له
ملّتني الأرض عاد اشلون بهدومي؟
احتاج لي شخص أبكي له وافضفض له
اب ارتمي فوق صدره وانثر همومي
سامي الشمري
samialshammari1@