ما للفتن أنفاس في مملكتنا

مالي جمل في اهل الخيانة وناقة
ناس ٍ نِمَت من خيرنا وجحدتنا
ولابيني وبين النذالة صداقة
ولا انكر اللي بالرغد طوقتنا
انهض لها حب وحنين وطلاقة
بلادي اللي بالفضايل حوتنا
نفوسنا واموالنا خير باقة
تهدى لدارٍ بالامان جمعتنا
حنا غُرِسّنا في ترابه علاقة
حرام لو ما بالوفا له نبتنا
وطن عظيم الشان واسع نطاقه
عليه عشق ارواحنا حرصتنا
حكامه ال سعود رمز وعراقة
هامات قادت بالعدل مملكتنا
وش ظنكم ياهل الغدر والحماقة
تخريبكم وهروجكم زعزعتنا؟
تهديدكم من ضعف والحقد طاقة
فيصل بن سبيّل الباهلي
تولدت في صدوركم وكرهتنا
حيث انكم لابليس ربع ورفاقة
وافعالكم عن حقدكم علمتنا
جهال واللي محتويكم بفاقة
ماضيكم اسود والطبوع اقرفتنا
واليوم جيتونا بثوب الاناقة
يا صفحةٍ بالمهزلة ذكرتنا!
ماعندكم غير الوهم والطفاقة
وان كان ماتبتو دماكم دعتنا
يازين طعم الموت ماحلى مذاقه
دون الوطن والدين شبنا ومتنا
خلوا الغرور وزمرته واعتناقه
يسركم والحرب هي ملعبتنا
نجز راس الشر ونقد ساقه
ماللفتن انفاس في مملكتنا