اللغز

كان كاتب اللغز الماضي للشاعر احمد بن ناصر المحرج من الرياض ويقول:
بنت عطوها لون من ضمن الالوان
وصف لها يحلل امور كثيرة
من مال عنها تاه في كل الازمان
ولا ينفعه ربع ولا اهل وعشيره
قول عزيز ما يقدر بالاثمان
من ضيعه صارت امور خطيره
وقد توصل للحل شعرا:
حييت يالمحرج وللغزك بعد بان
ولغز له ناسن تحله كثيره
قال المحجه لونها ابيض بالالوان
محمدرسول لله مافيه غيره
سعدصنهات السهلى - الدرعيه
يا مرحبا واللغز جيد ومليان
ماخاب رجل وابو ناصر شويره
ابشر بحل اللغز ياطير حوران
حله محجة بيضا لعين بصيره
محمد ابو دحيم - البدايع
يا احمد المحرج هلا عد الاكوان
وعداد من يمشي ويقطع مسيره
انا طلال وقولت الحق سلطان
محجة بيضا ولا فيه غيره
طلال الرشيد - الجبيل
يا مرحبا ترحيبة شانها شان
ومن الحلا كنه على جال شيره
محجة بيضا على طول الازمان
واللي ملازمها ترا الله يجيره
علي الرشيد - رياض الخبراء
لغز الأسبوع
يكتبه هذا اليوم الشاعر علي المشيعلي من الحناكيه
ياويش عودن فالعمر فوق خمسين
قبل وجوده كان يجهل ومدسوس
وله موقف حاسم مضى له براهين
علمه وصل للغرب والصين والروس