تخطيط الخرائط

الحلم خطوه والأماني مسافات
وطفلة أمال العمر يأسي فطمها
والوصل زحمه والليالي مسارات
تخطيطها المجنون فكري قلمها
وسط المخطط واضحه بالعبارات
آخر نموذج للخرايط رسمها
تصميم متقن في جميع الروايات
هاذي ركايزها وباقي علمها
واللي يتوه أبها على أي اتجاهات
لو كان يشر بالخطر له سهمها
وللمجد والتمجيد برهان وإثبات
وفعل اليماني للحلوق تخدمها
للعرف والعريف منهج وسادات
ومن لاعرف قدر اللحى ما احترمها
للطيب مبنى والمبادي أساسات
عامر بيوت الساس ما أحدٍ هدمها
النعم مكسب والنشامى مقامات
والمرجلة تعشق صبي(ن) زهمها
العز غايه والحياه اختبارات
والجاهل اللي دنيته ما فهمها
العقل حكمة والعطاء للجزيلات
من رفعته يمناه مسخٍ كرمها
وعلى المدى ماياردن القصيفات
ما طالت حبالٍ قصر به قدمها
ومركاض عجفات الليالي حثيثات
تروع غافلها على أطراف فمها
فالاختبار يبين فرق الدرجات
وكلاً رضى بالقسمه اللي غنمها
ماخلّد أبها سر الأحياء للأموات
مكشوفةٍ للناس ما أحدٍ زعمها
وأخر نتايج وقتنا بالحسابات
ما تقبل القسمه على اللي قسمها