فرقاك جمرة!

هذه القصيدة رثاء في الفقيد فالح كريدي العنزي
(رحمه الله).
يا لله يا فراج كرب العبادي
تفرج لمن هو فرج الكرب عنا
راع الوفا والمرجلة والمبادي
ما خاب للي دوم ينصاه ظنا
اللي مسح جرح الزمن بالأيادي
عسى يدينه في نعيمك تهنا
أبوك يا إبراهيم بالخير بادي
قرم به الأمجاد دايم تغنا
وفرقاه والله جمرة بالفؤادي
لكن ترانا بدبرة الرب حنا
وعسى البقى للي بعال الشدادي
بأعمامك اللي بالعطا ما تمنا
أهل الرحم والوصل وأهل الرشادي
رجال لهم بالوصل نجر يدنا
ويا سعود محد من ثرى القبر عادي
ماردن الأيام من زحزحنا
وأبوك ذكره بالطويلات سادي
كم حاجة للناس فيها تعنا
وأنا فزع علي يوم جيته منادي
عز الله أنه بالوفا ما تونا
يالله يا خلاق سبع شدادي
يا واحد بأمره على الكون كنا
بأمرك تحطه في نعيم وبرادي
وبالآخرة تعطيه كل ما تمنا
أنت العظيم اللي عليك اعتمادي
تجزاه يا رب المخاليق عنا