على كتاب الله وسنة رسوله يابن الامام مبايعيينك ومبروك كان بيت الأسبوع الماضي بمناسبة صدور الامر الملكي بتعيين صاحب السمو الملكي الامير مقرن بن عبدالعزيز ال سعود وليا لولي العهد وقد طرحنا هذا البيت لمبايعة سموه والبيت يقول: على كتاب الله وسنة رسوله يابن الامام مبايعيينك ومبروك وكان صدى البيت من الشعراء: مقرن على درب الفخر والبطولة يكمل مسيرة قادها امام وملوك وهم نجايب مجدنا وهم فحوله درع الوطن حربٍ وسلمٍ بلا شكوك نبايع على مابايعوا بكل جولة جيل وفوا لاخوانك الشم وابوك عبالعزيز السالم - حايل ابن المؤسس كاسبٍ البطولة الشعب كله بالتباشير حيّوك يامير مقرن منصبينك لدولة ماتقبل الا ناجحٍ و ألف مبروك الله يبارك في خطاكم نقوله الشعب من الخيرات بالخير سموك سعود بن عبدالعزيز الهزاع - نعام يالله عسى التوفيق فالك نقوله صغيرنا وكبيرنا الكل هنوك أنت الوفى والطيب وأنت أصوله يابن الرجال اللي على العز ربوك رجل(ن) حكيم(ن) بينات(ن) فعوله والشعب كل الشعب يالقرم حيوك محمد بن عبد العزيز الخنيفر - أشيقر ولي ولي العهد نال الكموله نال الثقه من والي الأمر مبروك انبايعه شيب وشباب وحموله ونعاهده في العهد والأمر متروك ويادار فزتي بالسعد والبطوله في ظل سادات مغاوير اثروك حمد عبدالله الوايلي - حوطة سدير يبقى الاسم اكبر من اللي بقوله يا كاسب الأمجاد من ترثة أبوك مقرن مابين الحق والعدل جوله الله يرحم من على الطيب ربوك تستاهل المنصب .. ومن كل دولة جتنا التهاني .. وانت مقرن ومبروك مشعل بن بداح الخمشي - الرياض نعم نبايع بالقلوب ونقوله على كتاب الله وذا درب مسلوك مرحوم من أسس على العز دولة يارب تحفظها ويارب نرجوك حكامنا تاجٍ علينا محمولة والشعب باسره بايعوك ويهنّوك عثمان ابراهيم الرشيد - الرياض تنصيب مقرن مفخرة باركوله من اسرة ً و الله ملكهم املوك ذا منصب ماكل رجلاً يطوله والحمد لله يوم بالفعل رقوك قلته انا وناس غيرى ًتقوله مبروك يامقرن ملايين مبروك سعد صنهات السهلي - الدرعية أمر ابو متعب شعبنا صفقوله مقرن بعد سلمان للحكم نادوك شغل المناصب فيه يسر وسهوله عيال المؤسس كلهم كفء وملوك قولن سبق قلناه واليوم أقوله ياشعب لاتتهتم وعبدالله ابوك شلاش بن بلال العنزي - الرياض يا مرحبا باللي سعدنا بحلوله أقول يا مقرن ترا الشعب حيوك كل الفخر والعز دايم تطوله مبروك ثم مبروك ملايين مبروك يابن الرجال الكاسبين الرجوله عز ومعزه واضح ولابك شكوك ريان بن محمد الخنيفر - الرياض سيرتك يا مقرن كمال ورجوله نبايعك حنا ومن قبلنا ملوك الشعب كله بالثقه قال قوله من حب اسرتكم ترى الناس حبوك قرار صايب كلهم صفقوا له ولي ولي العهد هاللحين نادوك علي رشيد الرشيد- رياض الخبراء أمر عبدالله وكلهم صفقوا له مقرن كفو للمنصب ولابه شكوك نبايعك من الرياض عرضه وطوله يا ابن الملوك اللي على الطيب ربوك طيبة وحايل كلهم شهدوا له وتشهد له الميراج مع حدود تبوك شجعان بن سعود - المقاطي أمبايعين أهل الوفاء والبطولة شعبن وفي وقادهم خيرت أملوك آل سعود لدين تنهج اوصوله داموا ودام الامن والجهل متروك شعبن مع رجال الأمن جند دوله كم عجز من تفريقنا كل صعلوك غنام مسعود القريني - نعام لي دولتن يا عبيد ياوي دوله تخشي علينا دوم من غزت الشوك وباسمي وباسم ربعنا والحموله مبايعيينك انت واخوك واخوك وشعب الجزيرة دوم عرضه وطوله ابمايعيينك لو يا أمير ما جوك حميد خلف العوادي - العنزي مرسوم عبدالله وفعله وقوله فخر وعزه بين محكوم وملوك قرار صايب من زعيم البطولة سطره في صفحة المجد والبوك ونبايع لمقرن صغار وكهوله بيعة ولا من شعب ما فيه صعلوك علي الزولاني الفيفي - بيشة بيت الاسبوع كتبه للصفحه الشاعر محمد بن عبدالعزيز الخنيفر من أشيقر حول خطورة التعصب الرياضي وآثاره ويقول: شبابنا والتعصب والسبب كورة ياشينها عادة بانت مواريها نستقبل صدى هذا البيت بثلاثة أبيات فقط تدور حول هذا الموضوع ويفضل الإرسال عبر الإيميل: [email protected] أو على الفاكس 4871070/ 011 ونرحب بطرح بيت الأسبوع وهو من اختيار الشعراء وفي اي موضوع يختاره الشاعر..
