هافٍ قديمٍ يلفت أنظار من مر مضى على التصنيع خمسين عامي في لوحته نقل المناطق مع نمر وتمثال كبوته على الوجه زامي شد انتباه النسوة الفرت الأحمر وعفشٍ تراثي وبندقٍ كف رامي سعود عبدالعزيز الهزاع - نعام ياهل الفرت الاحمر جهزوا للرحيل بين صنف العذارى شاقني وقفته يوم ترجع بي الذكرى زمانٍ جميل اشهد إنه صبور وماسكٍ قيمته وأن مشى في نفود عشقوّه الثقيل وإن دخل وسط سوق تشغلك هيبته عادل عبدالعزيز الحسين- الرياض فرتٍ قديم الصنع واضح مديله ياكم قطع من خاليات الفيافي والحمل لو زاد الحمل هو يشيله واليوم جاثي في مكان السوافي ذكراه راحت ليش جانا بديله وعبر التراث أكيد مثله يشافي حمد عبدالله الوايلي - حوطة سدير يا هل الفرت الحمر لا تتركوني اركبوني لو على شبك الغماره للربيع اليوم معكم وصلوني للخزامى والنفل ما أحلى دياره ليت بالصندوق معكم تركبوني وإن قضى المرباع صارت لي خساره محمد عبدالعزيز الخنيفر - أشيقر فرتٍ حمر والحطب فوقه وبارودة الصيد علّقها ورفارفه مثل صندوقه وموديله كبر سايقها مير النخل وينهي عذوقه ريح النسانيس تطرقها شجعان سعود المقاطي يا محلا ذا الفرت والعفش يعلاه موتر ولو زادوا عليه الحموله ياللي تشوفون المعاميل محلاه هذي الصواني قربة الماء محموله حيّ التراث وحيّ ذكره وطرياه أجدادنا أهل الكرم.. والرجوله عثمان ابراهيم الرشيد - الرياض أربعه وستين شايل كم نشميه اقفا زمانه وأنا يا بكر ماليبه جانا بداله من اليابان يا حيه سيارةٍ تبعدك عن دارٍ عوا ذيبه بدر الحزيمي حملت أنا موتري والنّيه المرباع وخذت ربوعي معي وهذا هو المطلوب في صحبة أحبابي أنا زان لي المطلاع وشفنا النعم والخير في دارنا المحبوب لا واهني من نصب خيمةٍ وشراع في موقع يعجبك ولصاحبه مرغوب ريان محمد الخنيفر - الرياض لا دايمٍ شدّه.. ولا دايمٍ في للأرض ينزل من تعد الثريا أركب على المبروك ما دام يمشي ما كل ما يطلب أبنادم تهيا غير الصبر ما طالعٍ في يدك شي ما فيه عيب إلا إن منظره سيا غنام مسعود القريني - نعام يا زين وقتٍ مضى أوقات يوم اللواري والوايتاتي والفرت محلي يبي بويات والعفش فوقه خذ وهاتي صحيح هذي تراثيات تحكي لنا ماضين فاتي عبدالكريم عبدالرحمن السلوم - القرائن عقب المكدّه عقب قطع الفيافي ولى زمان الهاف وأصبح رهينه وسط التراث اليوم واضح يشافي كم واحدٍ للفرت يذكر سنينه عبد المحسن المحيسن - رياض الخبراء صورة العدد السابق نرحب بمشاركاتكم الشعرية وما تلتقطه عدساتكم من الصور الهادفة والطريفة.. على إيميل الخزامى: [email protected] أو الفاكس رقم: 0114871070
