صوت الصورة

عقب الفيافي ودّك القاع
اليوم في حوض نقاله
تصير غصبٍ لهم مطواع
الذيب ما يامن عياله
محمد فهد الجلعود - سميراء
إنزال جوي للمطيّة على البوش
من الونش تستقبل بلطف وليونة
إنتاج مجهم بعضها جاي بقروش
وإن جا بعيرٍ طيّبٍ يشترونه
واظهر حلالك لا تخليه فالحوش
الأرض خضرا والكَلى يأكلونه
سعود عبدالعزيز الهزاع - نعام
صورة العدد السابق
وجدي على البر والمرباع
واليوم دربي على القصاب
ومعلّقٍ صرت أنا مرتاع
ومن المجازر أنا مرتاب
أبي ربوعي وحظي ضاع
ونهايتي واضحة يا أصحاب
محمد عبدالعزيز الخنيفر - أشيقر
الجمل شالوه .. واللونش أتعبه
قال بالله على أقدامي بسير
إن بغيتوا للمزايين إن بغيتوا المقصبه
صابرن هذا نصيبي والمصير
لكن إفراق الحبايب مصعبه
يا ناقتي وحوارها وضعي خطير
علي بن معاضه - الدمام
هذا الجمل مجلوب للسوق يا ناس
الزول شاله علّقه فوق ونشه
يرغي وصوته يسمعه كل الأجناس
يا الله عسى الشرايّ زوّد بقرشه
يا ويل قلبي كل ما هب نسناس
يطري ربيع البر يطري وطرشه
خالد ناصر المخيمير - روضة سدير
حمّل ونزّل أفعل أنواع الأسباب
لا عل يكتب لك وراها نصيبي
تصير شيخ وغاليٍ عند الأصحاب
عند البعيد .. وعند حتى القريبي
ولا خسرت وعقب تفتيل الأشناب
حتيش لو قالوا ترى الفقر عيبي
غنام مسعود القريني - نعام
والله لو زاد الرغى بعد الهدير
مربوط بحبالك وطنّب بالحنين
ارميك بالدنّه وواصل بالمسير
بايعك .. باعيك سومٍ ثمين
يجيك جزارٍ ساطوره طرير
مكسبك مدبول ربّي يعين
حمد عبدالله الوايلي - حوطة سدير
راحت صعوبه نقل جسمٍ كبير
ولا فيه من طول المسافات خايف
الرغا .. ماله لزومٍ يا بعير
وأنت مجيوبٍ بونشٍ للولايف
برجل البعير أرفق وخلّك به بصير
فالله في كل المخاليق رايف
سعود عائش الحربي - القاهرة
يالفحل حوّل على هونك
لولا الغلا ماتعبنا لك
ليه الزعل كاينٍ كونك
بالونش محمولٍ وجالك
أرخصت أنا المال لعيونك
نوّخ ويرتاح لك بالك
عثمان الرشيد - الرياض
علّقوني بالهوا ما يرحموني
حالتي حاله ألا كيف السويّه
خايفٍ للمقصبة هم يوصلوني
ليت من هو فازعٍ يلحق عليّه
وصلوني للصحاري واتركوني
وسط مرباع وتنحل القضيّه
ريان محمد الخنيفر – الرياض
سفن الصحاري علّقت مامن مُجيب
وأمجادنا يا بكر فيها .. ومنها
وش قال ابن هدلان ف أم الدباديب
ليا ناحرت الخوف غالي ثمنها
بدر الحزيمي
ياللي رفعت شعيل وشعيل غضبان
بالونش شلته فوق .. ومعلّق فوق
إحذر يعضك وأنت غافل وسرحان
ودّ البعير اليوم مفلاه بالطوق
قالوا ربيعٍ يم لينه .. ورمان
وإن كان مبطي ودّه اليوم للسوق
عبدالمحسن المحيسن - رياض الخبراء
نستقبل مشاركاتكم على إيميل الخزامى:
rb-khozama@alriyadh.com
أو الفاكس رقم: 0114871070
ويا هلا ومرحبا..