صوت الصورة

سفينة الصحراء نديم الصحاري
يا عل رب العرش يروي عطشها
هي منوة اللي ما سكن بالحواري
في وسط شريانه وعقله نقشها
علي آل زولان الفيفي - بيشة
راع المطيه شايلٍ دراجه
مشتريها لاحد أولاده هديه
يالله تسهّل للمسافر كل حاجه
مع ممزونٍ نفعها يسقي البريه
سعود عائش الحربي - القاهرة
سيكل عتيق ولا هو مفرطٍ فيه
حطه على يمناه والحبل شده
ما يامن الناقه على الجرف تكفيه
كودها إليا هجت ذلوله.. يرده
سعد الحماد - روضة سدير
ياصاحبي قلي عن المقصود
على الظهر شلت دراجه
ياليت ماض الزمان يعود
اقضي لوازمك والحاجه
سبيتان بن شرار العنزي - بريدة
راعي الذلول انا اشهد الوقت حاديك
واشوف انا فكرتك ماهيب شينه
على الرحول لاجيت في البر كافيك
وعلى ظهر سيكل لاجيت المدينة
مبارك بن حمد الدوسري _ ماليزيا
هذا الجمل شالك وسيكلك يا زول
ما ينفعك سيكلك وسط البراري
جبته معك للبر وأصبحت يا حول
مثل الذي يجيب ذات الصواري
محمد بن عبدالله بن حسن - الدعيسة
صورة العدد الماضي
الابل مذكورةٍ بالخير
تشيل حمل الثقيلاتي
ما به مكينه.. ولا به قير
تقطع أدروب الطويلاتي
عبدالله الرفيعي - البكيرية
يا شايل السيكل على ظهر فاطر
الله يجيرك من صواديف الأقدار
القاع سايل والمخاطر.. مخاطر
والجو غايم زايداً فيه الأمطار
دامغ محمد الدامغ - روضة سدير
مطيتك تنفعك بصعب المسالك
ودراجتك يا شينها بالصحاري
سفينة الصحراء ترى راس مالك
هي الدليله خص وسط البراري
محمد بن عبدالعزيز الخنيفر - أشيقر
راعي محمل سيكلاً فوق ناقه
يبي يسوقه لي نزل في المدينه
مطيته سنتين من شده انفاقه
رحول وسيكل جعل ربي يعينه
سعود بن عبدالعزيز الهزاع - نعام
يا زول لاتتعب الرحول
بشيل السياكل تعذبها
والظاهر انك مثل بالهول
حمر النعم لا تجربها
غازي بن قاعد العتيبي -الدوادمي
لا تنقل السيكل على الجمل يا حمود
خله مع الهندي بوسط المدينه
سفينة الصحراء تمشى على ركود
والسيكل التعبان هم .. وغبينه
عبدالعزيز بن ناصر السياري - ضرماء
شوف عيني واحدٍ فوق المطيه
شايلٍ له سيكلٍ فوق الرحولي
خوفتي لا يكون مجهول الهويه
ناوي السيكل.. وناويه الذلولي
مبارك بن محمد بن طرجم - وادي الدواسر
المطية وراكبها ودراجته
كان واصل مسيره يا الله المستعان
رايح يروح فيها النزول وبضاعته
السيل لا هاج ما يرحم فلان وفلان
سلطان بن حمد الحبابي - الطائف
الزول راكب على الركبي
راعي بعارين بالصوره
والسيكل على الجنبي
مفروض ينحت على صخوره
محمد الأطرش - رياض الخبراء
صفحة خزامى جابت اليوم شطحه
موضوعها بالحيل شيٍ جديدي
أثر الجمل في سالف الوقت سطحه
شل الاوادم .. والخشب .. والحديدي
علي بن تركي الشهري
يا شايل السيكل على وين رايح؟
شد الشداد الزين لا.. لا تميله
واحذر تخاف الحمل ما هوب طايح
ما دام حملك فوق إبلٍ أصيله
بشائر القحطاني - الرياض