الجفا والجرح

ماجيت ابكسب ودهم او رضاهم
من باعني ببيع ذكره وطاريه
ما ابي من الايام طاري غلاهم
ومن عافني مسحت وصله وماضيه
لا يازمن والقلب اصلا نساهم
نسى الغلا والشوق واللي سكن فيه
دام الجفا والجرح هذا عطاهم
وش عاد لي باحساس ماتت معانيه
احبابنا دام المصالح هواهم
قفلت باب الوصل وش عادلي فيه
ناسٍ على الرغبات تمشي خطاهم
نسيت امس الحب وماضي لياليه
خلاص دام الحسد هذا بلاهم
انا نسيت الامس واللي جرى فيه
ما اسمع من الايام صرخة نداهم
واللي مضى وش عاد لي في تواليه
ولاجيت انا في يوم اكسب رضاهم
هذا قراري ما ابي صوت طاريه