ليل الشتا

اللي به تزين السواليف
مع رفقةٍ زينه ومع شبة النار
وعلى الوجار اربع دلالٍ مهاديف
وفنجالهن يعجبك مع بن وبهار
قمرا وشبة نار والنور ماشيف
وسوالفن زينه وجزلات الاشعار
خل المدينه ماعليها تحاسيف
الا على الاحباب والربع والجار
ماهمّنا بالطيب دفع المصاريف
لو شانت الدنيا وزادنّ الاسعار
نمشي على ممشى الرجال العواريف
اللي لهم بالطيب والمرجله كار
للعز نرقى في طوال المشاريف
وماينذكر عنا سوى زين الاخبار
ويارب دبّرنا لحسن التصاريف
ومن لا ضبط ساسه مع الوقت ينهار