عسى العوض رجال السياسة

القلب يحزن من عقب دمعة العين
نبكي على فرقا المليك الفقيدة
نبكي عقب سمع الخبر والخبر شين
يوم اعلنوبه بالخبر فالجريده
راح المليك اللي يغيث المساكين
غيث الهلاكا في السنين الشديدة
ضد الضديد ولين مع هل اللين
كم دولة تشهد على مدة ايده
راح المليك ابن الملوك السلاطين
درع الوطن وأهل العلوم السديدة
راح المليك اللي خدم للشريفين
سخّر لها من غير وقته رصيده
راح المليك اللي يعدل الموازين
ما فيه فرق بين عبد وسيده
فهد الجزيرة والعرب والمسلمين
واشهد شهادة حق ما به نديده
يشهد على قولي ثلاثة وعشرين
عام وحنا في حياةٍ سعيدة
أعدد أفعال بها الناس دارين
من باب ذكره والفعايل عديده
ياللي سمعتوها معي قولو آمين
الله يدخله الجنان ويزيده
والأمر للمولى من أول وذلحين
والله يفعل ما يشاء ما يريده
يا نحمد الله ماكر للشياهين
ماكر حرار نادرات فريده
عسى العوض رجل السياسات والدين
عبدالله القرم الشجاع الوليده
هذاك أبو متعب عسى عمره سنين
الساس طيب والسجايا حميده
واخوه سلطان الكرم قاضي الدين
يا طيب حظه من يحطه عضيده
اقولها عن ربعي اللي موالين
ومبايعتهم جات عبر القصيده
لاما بدا اللازم ترى مستعدين
نفرك اعرام أهل الخشوم العنيده
ربع مساردة سلالة قحاطين
واخلاصنا اخلاص قول وعقيده
تبقين يا دار الكرامات تبقين
واللي يبي لك شر نقطع وريده