رفرفي بالعز يا راية بلادي

رفرفي في قمة المجد منصورة
يا خضار الريف يا حسرة العادي
يا حروفاً في ثناياك مسطورة
راية الي ساد سادات الاسيادي
لين وحدها تحت حكم أخو نورة
من شمال اطريف إلى اعمان من غادي
ومن بحر جدة الي راس تنورة
أسس الدولة على منهج الهادي
والكتاب اللي رسم منه دستوره
دولة الابطال من عصر الاجدادي
دولة قامت على العدل معمورة
يا نجوم في السماء نورها بادي
كل واحدٍ ما خذٍ في الفخر دورة
تنشر الخيرات ما بين الاجوادي
أسرة دائم على الخير مفطورة
عهدها ميمون تزهاها الامجادي
ومجدها مثبوت بالصوت والصورة
أسرة آل سعود يا نعم الاولادي
ياهل التوحيد يا حصنة وسورة
يا سلايل من هجد نجد مهجادي
لين ثورها وجود بها كورة
يوم تل اخطامها جات تنقادي
وأذعنت تمشي على حكمه وشورة
ثم توالى حكم ذربين الأيادي
ماكر الاحرار ما تخلف صقورة
لين حام بجوها عوق الاضدادي
عيد هين بالكرم زادت اشبورة
ذاك أبومتعب عمى كل حسادي
مكرماً شعبه والانذال مقهورة
في عهد عبدالله أيامنا أعيادي
أمن واستقرار والناس مسرورة