كل عام وأنت بخير يا كامل الزين

وأجمل تهاني العيد تنساق لرضاك
لوك بعيد وغايبن فوق عامين
طيفك يجي واستقبله لجل عيناك
كم مرةٍ هلت دموعي من العين
وكم مرةٍ قلبي من الشوق ناداك
وكم ليلةٍ فيها شكيت الامرين
وأصبر على جور الليالي والافلاك
في غيبتك كني بليا عناوين
وامشي واتيه ابدرب ماسار لحماك
والصد لامن طال من بين الاثنين
يشتت الافكار وتضيع الاملاك
والهجر ماهو من صفات المحبين
وانته تعرفه زين ماهوب يخفاك
ومع كل هذا راجحٍ بالموازين
ويزيد حبك وسط قلبي وذكراك
لاتبطي بصدك على القلب يا زين
تراه عايش في امل شوف لاماك
نواف محمد الصخابرة