صوت الصورة

تشرب مياه الصحه اليوم يا شعيل
مدري تطوّر صار راعيك مليان
عليك بالبارد زلالٍ كما السيل
كب العلب وأشرب محير وغدران
عبد المحسن بن محمد المحيسن
رياض الخبراء
حتى الجمل يشرب مياه محلاة
الظاهر الموضه لها دور وأحوال
كم واحدٍ في وقتنا اليوم قد بات
يشكي ديون حدّته صالب الجال
وراعي الاباعر يمدحونه على الشات
يبذخ ولا همّه قليلات الأموال
حمد عبدالله الوايلي - حوطة سدير
ياللي تحاول مع الأيام تلغيني
أنا وليد الجمل سفينة الصحراء
عصر التطوّر وصل حتى البعاريني
ناظر بعينك وش أسويه وأنت ادراء
ما هو بكيفك بوسط السطل تسقيني
اشرب مقطّر لا تقول بعير ازراء
فايزموسى البشري
خذلك مع الصحة صحن فتوش
والبيتزا بالخضار جربها
انتاج مزاين تجيب قروش
سلالتك ما نعذربها
وأمك خذوها دليلة بوش
راع المغاتير دربها
سعود عبدالعزيز الهزاع - نعام
محتاج للماء يا جماعه على شان
أروي عطش ظماي من كل عله
وأسير في درب الصحاري والاوطان
معروف دربي دايم الدوم أدله
سعود سمران الدوسري
الحر كايد والعطش يجلب الموت
والوايت أبطا والمطر فات وقته
بلحق على حالي قبل فايت الفوت
وأشرب من الصحه لذيذٍ وذقته
يالله ترحمنا وتجلب لنا القوت
وتغيثنا من فضلك اللي خزنته
خالد بن ناصر المخيمر - روضة سدير
هذا الحويّر مزاجه عال
ما يشرب الا بقاروره
كنّه يقول بعدها با الحال
جيبولي ببسي وشابوره
ولا اسكريمٍ مع المقيال
وخفى في جوف نافوره
فلاح مطر الحربي - القريات
صورة فريدة بعد شوف وتأمّل
الله رزقه الماء وبرّد على الكبد
بعد العطش بعد الصبر والتحمّل
عساه يكبر في حياته ويسعد
بشائر القحطاني - الرياض
صورة العدد السابق