المشاعر بالفرح زفت عباره من خريم رماح للفرحه مسيره

قصيده للشاعر والإعلامي سعد الشقحاء بمناسبة زيارة أمير منطقة الرياض وسمو نائبه لمحافظة رماح..
المشاعر بالفرح زفت عباره
من خريم رماح للفرحه مسيره
فرحةٍ بقدوم من كفو الاماره
خالد اللي حاكمن نجد واميره
مرحبا واعداد نجمن في مداره
وعد همال السحب لكثر غديره
من شعوراً بالشعر تملك الجساره
ما يجيها في كلام الحق حيره
بالامير اللي فرحنا باختياره
يوم ولي منصبٍ كفواً يديره
طول الله عمر من صدر قراره
ابو متعب شاملٍ شعبه بخيره
العدل والامن تنعم فيه داره
جعل ربي من غثاء الدنيا يجيره
وجيتك يا مير زفّت للبشاره
كل اهال رماح تامل فيك خيره
كل جهدن عندنا سرع مساره
خيركم سابق وللمسئول غيره
يستمر الشغل ليله مع نهاره
لجلكم كل الشوارع مستنيره
المشاريع انجزت قبل الزياره
بعضها من عام مايعرف مصيره
بين تنسيق الوزاره والاداره
اجلت منها مشاريعن كثيره
وجولتك يامير بتزيح الستاره
لا نظرت الوضع بالعين البصيره
عمها يامير وقصد كل حاره
ذي وصيت صادقن ريح ضميره
ما يقول الشعر من اجل اشتهاره
الا من صدق المبادي والسريره
ومرحبا يامير والفرحه بشاره
والفرح في جيتك يفرح بشيره