الموت البطيء

ما هقيته صاحبي منك الجفاء
وفي ظنونك دائماً فيّه تسيء
ما عطيتك كل ما أملك رياء
كنز قلبي دايم بحبّك مليء
شف عروقه من محبتّك أغنياء
والغريب إنك على جرحه جريء
شف وصوفك صارت لقلبي غشاء
وشف شعوري دايم لشمعك تضيء
راح عمري بين لحظات الرجاء
كل لحظه أرتجي منك المجيء
وا خسارة تضحياتي والعناء
كل هذا ما عنالك أيّ شيء!
أحتريك الصبح واستاء المساء
ومن غيابك دايمٍ حالي رديء
كل داء وله دواء وله شفاء
والهوى معروف بالموت البطيء
صرت أنا والغير بعيونك سواء
نظرتك ساوت أصيلن بالدنيء
من غلا غيرك ترى قلبي براء
وانت من قتلي ترى مانت ببريء
عوض سلامه العنزي