المزن

يا الله يامنزل من المزن الامطار..
يا واحدن تعلم بغيب الليالي
تنزل علينا الوبل ياوال الاقدار
وتسقي الفياض اليابسات المحالي
عقب الدهر والبر ماسر الانظار
جفت فياضه بالسنين التوالي..
طالبك تروي دارنا دار الاخيار
من مدلهمن في عروض الخيالي
والارض تنبت عشب من كل الازهار
عشبن تمايلبه هبوب الشمالي
فيه الخزامى والبختري ونوار
شوفه هوى قلبي وغاية منالي
ترعابه اللي شوفها زال الاكدار
ذودن لها فالقلب مقدار عالي
مع خوة ارجالن مناعير واحرار
أهل الكرم والطيب خير الرجالي
اسج معهم في صحاصيح الاقفار
وابعد عن اللي مايسرون بالي
تمت وصلى الله على سيدالابرار
نبينا المختار رمز العدالي..
نواف بن محمد الصخابرة