جعل السحاب

يهل ويله من ثقال النصوبي
ويسقي الفياض الممحلة طول الازمان
اللي كلاها الدهر من كل صوبي
والعشب يكسيها له اشكال وألوان
عقب السحاب اللي عليها صبوبي
برضٍ لها قلبي من الشوق ولهان
احبها وأعمر عليها دروبي
واسج فيها عن همومي والاحزان
وعن موقعٍ كني عليه مغصوبي
واشب ضوي في علو راس مابان
واقند ادلالي بكيفٍ جنوبي
كيفٍ يخلي عاكر الجو طربان
ويبعد عن القلب المعنا الكروبي
هذا هواي وكل نفسٍ لها شان
والقلب من حب الخلا ما يتوبي
نواف بن محمد الصخابرة