الجمال الطاغي

يا وجودي وجد حر(ن) ما توفق
كم يحاول مره ومره وخابت
هيلعي(ن) للجزاله يتشفق
لو عروقه من حديد الصلب ذابت
الله اللي جل سبحانه يوفق
والحظوظ إن جابها للعبد جابت
من خشيف(ن) في خفوقي ما ترفق
حبها في قلبي الملتاع ثابت
مهرة(ن) من شافها غصب(ن) يصفق
العيون العاشقه شافت وهابت
القلوب اللي تمناها تخفق
وكل عين(ن) طالعتها غبن رابت
جعل يفداها عشاشيق(ن) مطفق
روسهم من زينها لدت وشابت
الجمال الطاغي اللي ما يلفق
عودها غصن(ن) على القرهود نابت
ناعم وساقيه من تحته تدفق
نايع وحوله عبير ورود طابت
وعزتي للي بحبه ما توفق
ومن بذل مجهود لعيونه وخابت