بيت وصدى

الاسبوع الماضي كان بيت الاسبوع حول مقترح الاخ عبيد مونس العيد من الرياض حول وجوب التشديد في رقابة الابناء اثناء الاجازات للشاعر عساف بن عايض العتيبي من الرياض هذا البيت.
حان الربيع وحان وقت الاجازات
واهم منهنه فلذات الاكباد
وكان الصدى من الشعراء
واعرف ترى للجد حزة وحزات
اللي يبون العز يبنون الامجاد
ينظمون الوقت لاجل المهمات
ويجنبون أهل النمايم والاحقاد
ذولاك ناس يبذلون الكثيرات
لاجل العيال أفضالهم مالها اعداد
علي رشيد الرشيد
وصَّى عليهم خالق الكون بآيات
من لاصلح شره مع الوقت يزداد
لارافقوا من ينفخ الكِيْر بالذات
تصير زينتهم عنى إعناد وإجهاد
كبيرهُم خاووه في كِلَّ الأوقات
وصغيرهُم يحتاج توجيه وإسعاد
فهد بن عقيل الطويان
الوقت نعمه لاعرفت المقاسات
وقت الفراغ مصيبة عند الاولاد
الليل يسهر يقطع اكبر مسافات
والا النهار متعبه كثر الاجهاد
راقب وليدك يارفيع المقامات
وبالك يرافق كود ذربين واجواد
ترى الردي مايجلب الا التعاسات
ومايسعدك لو كثر ومثله اعداد
حمد عبدالله الوايلي
اسأل عن اصحابه اذا راح كشتات
لا تنخدع لي قال لك فيهم اجواد
فيهم شياطين تعكس المسارات
وصجة مسجلهم يجيبلك الانكاد
ولا يخاوي اللي يقطعون الاشارات
عسى يرجع سالم قرم الاولاد
سعود بن عبد العزيز الهزاع
من واجب الأسرة على مر الأوقات
توجيه الأبناء بالنصايح والإرشاد
الكل راعي بعد رب السماوات
والعطله ما تعني تفاحيط وافساد
في عرفنا والشرع يا طيب الذات
صون الأمانة من براثين الأوغاد
علي آل زولان الفيفي
في كل عام عطله وبعض اجازات
وزود على ذلك تجي عطلة أعياد
زينها لا جات في فعل طاعات
وأيضاً فرح بين القرايب والأبعاد
وحتى تجي بثمار وأيضاً مسرات
مطلوب منا متابعة بعض الأولاد
فعل السبب واجب ولو به كلافات
والاهمال ما يصلح يجي منه الأنكاد
مبارك محمد بن طرجم
إذا جو عيالك ومعهم شهادات
تفرح وترحب بهم مثل الأعياد
وتشاور المدام وتصدر قرارات
وتجهزون العفش وتكثر من الزاد
وتستفيد العائلة بعض المهارات
والأسفار حلوه خصوصاً للأولاد
عبدالله علي الحوشاني
بيت الاسبوع
تجاوبا مع مقترح الأخ خالد الطيار حول موضوع الاهانة التي يتعرض لها المعلم من قبل الطلاب ارسل للصفحة الشاعر فهد بن عقيل الطويان من بريده ويقول
معلمك له حق ياطالب اليوم
يلزمك تقديره ترى واحترامه
نستقبل صدى هذا البيت بثلاثة أبيات فقط تدور حول هذه القضية الهامة
ويفضل الإرسال عبر الإيميل rb-khozama@alriyadh.com
او على الفاكس ( 4871070 / 01 )
مقترح لموضوع بيت الأسبوع المقبل
بعث للصفحة الأخ علي الدهري مقترحا لموضوع بيت الاسبوع القادم وهو عدم وجود تأمين طبي للموظفين الخدمة المدنية