شفاك بلسم للجراح

يا سيدي شفاك بلسم للجراح
داوى المريض اللي جروحه عطيبه
المملكه سكانها لبسوا اوشاح
والكل من الفرحة يهني قريبه
يا سيدي طيبك كما العطر فواح
يا عز من صارت ظروفه صعيبه
حبك طغى على المحبه للأرواح
واصبحت روح الشعب وايضاً حبيبه
صادق ومتواضع وقايد ولمّاح
سياسي محنّك اطباعك نجيبه
بك نفس مؤمن صادقه كلها ارباح
ولك هيبةٍ غطت على كل هيبه
وعدل وطهاره وخلق وانصاح
نتعب نعدد كل فعله وطيبه
الليث ابو متعب كما بارقٍ لاح
مجده عظيم ولا يتهنى حريبه
عساه دايم بالسعاده والافراح
وعسى العدو يبقى بحاله كئيبه
واليوم يا المغوار عساك مرتاح
يالحاتمي اللي اخصالك عجيبه
يا سيدي يا سيدي شر وانزاح
وعسى الفرح بالمقبلات القريبه
حميد خلف العوادي العنزي