أشرقت شمس الفرح طاب الملك

وابتسم ثغر الوطن ذا اليوم عيد
يا ملكنا يشهد الله تمتلك
الغلا والحب والمجد التليد
يا ربيع الشعب ربي أنزلك
في قلوب الشعب بالحب الأكيد
نحمد المولى إلهي أبدلك
بالعوافي جعلها دومٍ تزيد
حبك لشعبك وحبه أيضا لك
منوة الحكام ذا الحب الفريد
ياصله حبك وحبه ياصلك
يا حلاة الحب في عِرق الوريد
طيبٍ قلبك ودومٍ مشغلك
خدمة الإسلام والراي السديد
مالكٍ شعبك وشعبك يدعوا لك
وأنت تدعي للقريب وللبعيد
جعلك بخيرٍ رفيعٍ منزلك
جعلك بخيرٍ عسى عمرك مديد
أحمد بن محمد الجردان - الرياض