شوفته يفرح بها الشعب فرحة يوم عيد

المشاعر من خفوقي مترجمها قصيد
لين جبت اجزل قوافي معانيها جداد
بالملك حامي حمى الدار لطّام الضديد
صقرنا اللي حارب الفسق كله والفساد
صقرنا اللي لبّس المملكة ثوبٍ جديد
خادم البيتين ابونا الوفي نور البلاد
شوفته يفرح بها الشعب فرحة يوم عيد
جعلها تبطي سنينه بأذن رب العباد
مانوفّي سيرته بالقصايد والنشيد
الكرم .. والحكم .. والعدل .. والراي السداد
اتكل بالله وشفنا تطوّرنا يزيد
لين حقق باذن ربي لديرتنا المراد
في قلوب الكل حبه ويمشي بالوريد
كلنا نفداه مادام حبه بالفواد
والمعادي يضربه في يدينٍ من حديد
وكل نارٍ شبّها الضد يدعيها رماد
كلنا جيشه ويامر علينا اللي يريد
جاهزينٍ للمواجه بعدّه وبعتاد
سيدي مابين حكّام هالعالم فريد
زارعٍ خيره بداره ويبشر بالحصاد
نبتهج في قومته سالمٍ حيله شديد
ونحمد الله يوم خلّص علاجه واستفاد
كل شعبه يوم يسمع عن اخباره سعيد
والدٍ فرّح عياله وللعمران زاد
هو حبيب الشعب والله على قولي شهيد
نسل ابوتركي وللطيب والمجد امتداد
وسيرة ال سعود ماهوب محصيها قصيد
وهالقصيده جبتها من محبّه واجتهاد
أحمد السكران