لاباس ياساكن إقلوب الملايين

لاباس ياساكن إقلوب الملايين
سلمت يااللي غيبتك له أثرها
يالقايد الغالي لك الكل مغلين
يااللي إغيابك يوم حسبة شهرها
ليا الفهد ياساكن القلب والعين
يحفظك من بيديه حكمة قدرها
الشعب كله يافهد يرفع إيدين
يدعي ولي العرش يبعد كدرها
ياخادم البيتين وإكتاب والدين
مواقفك بالجود كل ذكرها
يبو اليتامى والضعوف المساكين
كم نفس مسلم جود كفك غمرها
ياغيثها بأوقات عسره مع اللين
ياشمسها ياظلها يامطرها
معروفكم طال القريب وبعيدين
غطا سماها وأرضها مع بحرها
وعبدالله وسلطان للمجد نجمين
نجم السعد والعز وأنته قمرها
حكامنا آل إسعود غالين غالين
من يوم طرد الخيل ينفض وبرها
عهد عطوه إجدودنا فيه موفين
معكم إجموع الشعب محد صخرها
عن شعبكم تدرون والشعب دارين
للمملكه كل حياته نذرها
من غيركم للشعب يفتح دواوين
والشرع طبق والمساجد عمرها
وإن بدلت دنيا الفنى زينها شين
أ نتم إسيوفه بالرخا مع خطرها
يالله ياجابر إعظام الكسيرين
تحفظ لنا اللي كل كسره جبرها