يسعد مساك

تحن روحي وأصدق الشوق ذباح
واخيل طيرٍ ما خفضلي جناحه
اتبع طهر قلبي ويذخر لي اجراح
صريح لكن صرت أعاف الصراحة
العمر راح وباقي الجرح ما راح
والمتقي لا ضاق.. صبره سلاحه
يمر طيف ويحرج الصمت لالاح
وقلبٍ على طاريه تنزف جراحه
وفيت لكن يقهر الحظ لا طاح
مليت أسولف عن حكاية مطاحه
القاع ما تنكر عرق روح فلاح
والغيث عيا لا يحس بكفاحه
كل الوجيه العابره صارت أشباح
عجزت أميز بالوجيه السماحه
الكون كله ضاق من غبت ياصاح
من وين ادور للخطاوي مساحه
صحيح احبك بس ماني بمرتاح
عمر الجفا ماجاب للروح راحة
عبدالمجيد العنزي