بصمة ناعمة

واكبر ويكبر داخل الروح همي
وان رحت أدور في البشر ذرّة احساس
لدت وجيه ابدون احاسيس يمي
أشكي بدون اشعور لمعرّب الساس
وان ما سمع شكواي عاتبت فمي
وتمرني (لا باس) ما هيب (لا باس)
بعض الكلام ايزيد حزني وغمي
صعبة يضيق البال وتضيق الأنفاس
ويفور من كل التفاهات دمي
يضمني في وحدتي كم وسواس
وانا ما غير اقرأ عليّه واسمي
أحتاج قلب يحن.. لا خيّم الياس
ما تقدره فزعات خالي وعمي
واروح أدور حضن دافي وحسّاس
كنّه تمنى قبل ما اجيه ضمي
أمي.. واطير بشوق من بين الأقواس
ويطيح باب الحزن لا قلت: سمي
أمي.. يديها وين ما اروح حرّاس
واقرب لروحي من عيوني لكمي
أمي.. ويطرد قربها كل هوجاس
من غير ما افكر بمدحي وذمي
(شكراً) يا كل الخير يا أطيب الناس
تستاهلين الشكر.. شكراً يا أمي
مشاعر نجد