يا وطنا بعيوننا دوم كبير

دام عزك ودمت يا أحلا بلد
شامخ للمجد للعليا تسير
ذاكرة تاريخ ما تنسى ابد
كل عام يا وطن وانته بخير
اثنين وثمانين عام بالتلاحم شهد
وحدة الشعب والحكام ماله نظير
وحده عبدالعزيز ذاك الأسد
بالعزم والهمة وبحنكة خبير
تحت راية لا إله الا هو الفرد الصمد
وحد أقلوب وبنا صدق الضمير
بالعدل وحكم الشريعة الشر صد
وكل خارج له إلى موته مصير
زال لليل الجهل وأيام النكد
وانجلا عن عهد اشراق ومنير
شعب يكبر معك ما عنك ابتعد
يا وطن بعيوننا دوم كبير
منك عز وجاه وقوة تستمد
يا ذرا شعب عن افعال الشرير
الولاء لك يا وطن منا عهد
ترخص الأرواح ونهديك الكثير
ما نخون العهد وما نخلف وعد
الوطن بقلوبنا له عشق غير
عهد أبو متعب به المجد انولد
بالأمان نعيش والخير الوفير
خادم البيتين للكل هو سند
وعضد لاخوانه يشير ويستشير
حاكم عادل عن الكل قد نشد
النساء والرجال والطفل الصغير
العطاء نبعه ما توقف بعد
لليدين الحانية لأن العسير
يحماك الله بلادي من الحسد
ومن نوى بك شر يعمى كل بصير
علي السعدي - حائل