شعور الغلا

عبرت عن صادق شعوري والاحساس
ببيات شعرٍ ما لحقها نقاده
وبروزتها باللول مع زين الالماس
للي تعلا بالمحبه زياده
الصاحب اللي بالغلا ماله قياس
حل وسكن فالقلب واصبح بلاده
واصبحت انا وياه بالوصل نبراس
نتبادل شعور الغلا والسعاده
نبني امانينا على بعد الارماس
ونبعد عن دروب الشقا والنكاده
والهجر ما يطرى ولا فيه هوجاس
ما نذكره بايامنا في بعاده
قلوبنا بالود ساسٍ على ساس
فيها الوفا والود طبعٍ وعاده
حبٍ حقيقي ثابتٍ بين الاقواس
ما غيرت سود الليالي مراده