الموج الأزرق لا لعب يرفع الراس

للشعراء تواصلهم مع الإنجازات والبطولات تحققها انديتهم، وبعد فوز الهلال بكأس سو ولي العهد يوم الجمعة الماضي جاءت قريحة الشاعر عبدالله العاطفي بهذه الابيات:
سر يا قلم يطري على القلب هوجاس
هواجسي وافكار مخي عديدة
ياهاجسي خلك معي وطرب الناس
زان القصيد ودي اكتب قصيدة
فاز الهلال وحقق الحلم والكأس
له في كتاب المجد صفحة جديدة
كأس أبو متعب طيب العرف والساس
من كفه الطيب ومن راحت ايده
الموج الأزرق مغرق كل غطاس
الفعل واحد والمواقف عديده
السالفة ماهيب حبر وقرطاس
ياللي تعاند والليالي عنيده
اللي خذا كأس الذهب قبل اللماس
ولايجيده غير مهو يجيده
تسلم يابو سلطان للعز نبراس
اقول وتاريخ نفسه يعيده
حنا معك ياذيب والوضع حساس
وصقورك اللي كل صايد تصيده أ
انا أشهد انك حر والحر قرناس
لك ما كر طيب ونظرة بعيده
أبمدحك يا أمير والعالم اجناس
والمدح بأهل المدح جمله مفيده
ذكر الحيا والطيب مع كل عساس
أنا اشهد انك يا محمد وليده