جيتك وانا راسي رفيعٍ وعالي

جيتك وانا جرحي ترى تو ما طاب
جيتك وانا طبع الوفا من خصالي
جيتك نزيف الجرح يابنت بي شاب
والقلب ياقلبي من الهم سالي
يابنت لك في داخل القلب مرقاب
يبقى على طول الزمن والليالي
جيتك ابي قلبك وانا طارق الباب
جيتك وانا راسي رفيعٍ وعالي
ماجيت من خلفك ولا جيت نهاب
دربي سليم ونيتي شوف غالي
ابي ادمح الزلات ولآني بطلاب
اللي مضى ما ضي ولآني مبالي
ابفتح الصفحه واقدملك خطاب
واقول في قربك ترى المر حالي
يالله ارحمي حالي وخلينا احباب
وخلي السعاده ترف ياراس مالي
خلاص يكفي مامضى لوم وعتاب
يا بنت يكفي صد يكفي تعالي
يكفي خلاص البعد والدمع سكاب
ودي نعيد اللي مضى والتسالي
عبيد الغشام