ثلاث

للوسم في قلبي مكانه وغايه
حيث أنه الموعد بعكس المراهيش
وسهيل موعدنا ومنه البدايه
تدهيلنا للطير لجل ابرق الريش
عز الله ان الطير سيد الهوايه
ترتيبه الاول ومن عقبه الجيش
والخيل عز ودين وهاذي كفايه
في ناصيتها خير واهي المباهيش
ثلاث في قلبي ولعها نهايه
الكل منها فارض حجز تكويش
الأوله بالقلب تملك خفايه
والثانيه بالبال حب ومطاريش
والثالثه بالعين تلقى رعايه
حب الثلاث اهوايتي دون تشويش
وانا افتخر عندي علوم ودرايه
بأوصافها وأشكالها والتعاييش
ولانيب اهمل عصرنا بالنحايه
اخذت من هذا وهذا نقاريش
مير الهوايه ذيك غاية منايه
نفسي على عشق الاصاله معاطيش
حنا على الله نجعل العز رايه
وكل على رايه يبي نفسه تعيش
ابديت ما كنيت بالله رجايه
وجهة نظر وشعور خالد بن جريش